ads

  • Welcome to Kayal Today


தூத்துக்குடி - கொழும்பு இடையே மீண்டும் பயணிகள் கப்பல் போக்குவரத்து: இலங்கை அமைச்சரவை ஒப்புதல்

A+ A-
கருத்துக்கள் காண கருத்துகள் பதிய
தூத்துக்குடி - கொழும்பு இடையே பயணிகள் கப்பல் சேவையை மீண்டும் தொடங்க இலங்கை அமைச்சரவை ஒப்புதல் அளித்துள்ளது.
ScotiaPrince.jpg
இந்தியாவின் தனுஷ்கோடிக்கும், இலங்கையின் தலைமன்னாருக்கும் இடையேயான கப்பல் போக்குவரத்து 24.2.1914-ல் ஆங்கிலேயர் ஆட்சி காலத்தில் தொடங்கப்பட்டது. 1964-ல் டிச.22-ம் தேதி வீசிய கடும் புயலில் துறைமுக நகரமான தனுஷ்கோடி அழிந்தது. இதையடுத்து இந்த மார்க்கத்தில் கப்பல் போக்குவரத்து நிறுத்தப்பட்டது.

பின்னர், ராமேசுவரத்துக்கும் தலைமன்னாருக்கும் இடையே 1965-ல் மீண்டும் கப்பல் போக்குவரத்து தொடங்கப்பட்டது. 400 பேர் செல்லக்கூடிய வகையில் ‘ராமானுஜம்’ என்ற பெயரிலான கப்பல் வாரத்துக்கு 3 நாட்கள் இயக்கப்பட்டது.

ராமேசுவரத்தில் இருந்து பல வகையான பண்டங்களையும், சரக்குகளையும் தலைமன்னார் வரை கப்பலிலும், அதனை தொடர்ந்து ரயிலில் கொழும்பு வரையிலும் கொண்டு சென்று விற்பனை செய்தனர். அதேபோன்று, கொழும்பிலிருந்து எலெட்ரிக்கல்ஸ் மற்றும் எலெக்ட்ரானிக்ஸ் பொருட்களை வியாபாரிகள் வாங்கி வந்தனர். இதனால், தென்மாவட்டங்களின் பொருளாதாரம் வளர்ச்சியடைந்தது. இந்நிலையில், இலங்கையில் தமிழர்களுக்கு எதிரான சிங்களர்களின் தாக்குதல் உள்நாட்டு யுத்தமாக மாறியதால், பாதுகாப்பு காரணங்களுக்காக கப்பல் போக்குவரத்து 1983-ம் ஆண்டு நிறுத்தப்பட்டது.

ஸ்காடியா பிரின்ஸ்

இலங்கையில் உள்நாட்டு போர் முடிவுக்கு வந்ததைத் தொடர்ந்து கடந்த 13.06.2011-ல் தூத்துக்குடி - கொழும்பு இடையே பயணிகள் கப்பல் சேவை மீண்டும் தொடங்கப்பட்டது. ஸ்காடியா பிரின்ஸ் என்ற 9 அடுக்குகள் கொண்ட பயணிகள் கப்பல், வாரத்தில் 2 நாட்கள் இயக்கப்பட்டன. 1,200 பேர் பயணம் செய்யக்கூடிய இக்கப்பல் சேவைக்கு இருநாட்டிலும் அதிக வரவேற்பு இருந்தது. இந்த கப்பல் போக்குவரத்துக்கு தமிழக அரசு கடும் எதிர்ப்பு தெரிவித்ததால் 18.11.2011-ல் கப்பல் சேவை நிறுத்தப்பட்டது.

மீண்டும் கப்பல் சேவை

இந்நிலையில், தூத்துக்குடிக்கும் கொழும்புக்கும் இடையே மீண்டும் பயணிகள் கப்பல் சேவையை தொடங்குவதற்கான ஆவணங்களை இலங்கையின் துறைமுகங்கள் மற்றும் கப்பல் துறை அமைச்சர் மகிந்த சமரசிங்க அந்நாட்டு நாடாளுமன்றத்தில் சமீபத்தில் தாக்கல் செய்திருந்தார்.

இந்த ஆவணத்தில், தூத்துக்குடி - கொழும்பு கப்பல் சேவையை தொடங்குவதன் மூலம் இரு நாட்டு மக்களுக்கும் இடையே கலாச்சார, பொருளாதார தொடர்புகள் மேம்பட வாய்ப்பு ஏற்படும். இரு நாடுகளின் சுற்றுலா, வர்த்தகம், புதிய தொழில் வாய்ப்புகள் அதிகரிக்கும். மேலும், ராமேசுவரம் - கொழும்பு இடையே கப்பல் போக்குவரத்தை தொடங்க பரிசீலனை செய்ய வேண்டும் என்று தெரிவிக்கப்பட்டிருந்தது.

இதுதொடர்பாக இலங்கை அமைச்சரவைக் கூட்டத்தில் விவாதம் நடைபெற்றது. அதில், தூத்துக்குடி - கொழும்பு கப்பல் போக்குவரத்துக்கு ஒப்புதல் அளிக்கப்பட்டது. இதையடுத்து, விரைவில் இரு நாட்டு அதிகாரிகளுடனான பேச்சுவார்த்தைக்குப் பிறகு, தூத்துக்குடி - கொழும்பு பயணிகள் கப்பல் சேவை தொடங்கும் என தெரிகிறது.
6 Oct 2017

வாசகர்கள் கருத்து

0 Comment(s)

  • வாசகர்களின் கருத்துகளுக்கு காயல் டைம்ஸ் நிர்வாகமோ அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.
  • எங்கள் பார்வைக்குப் பின்னரே தங்கள் கருத்து பதிவேற்றப்படும். இங்கு பதிவாகும் கருத்துக்கள் வாசகர்களின் சொந்த கருத்துக்களே.
  • தனிமனித தாக்குதல்கள், நாகரிகமற்ற வார்த்தைகள், செய்திகளுக்கு பொருத்தமில்லாத கருத்துகள் நீக்கப்படும்.
  • இணையதள முகவரிகள், வலைப்பக்கங்களின் முகவரிகளை இங்கே பதிய வேண்டாம் என வேண்டுகிறோம்.
  • தங்களின் பெயர், சரியான மின்னஞ்சல் முகவரி மற்றும் அலைபேசி எண்களை பயன்படுத்தி கருத்து பதிவிட வேண்டுகிறோம்.
  • முரண்பாடான கருத்துக்களை திருத்தி அமைப்பதற்கு அல்லது முற்றிலுமாக தடை செய்யவோ எங்களுக்கு முழு அதிகாரம் உண்டு.

Leave a comment

Type in Tamil (Press Ctrl+g to toggle between English and Tamil)
குறியீடு
Captcha
 
Top